Geng Joran Vs Patin @Bungsamran Thailand Part 2(Malam)

meja pool pun ada kana sediakan d BungSamran ah...main pool lah dulu kami sebalum mengail hehehe....
Kadai kail yang berjenis2 kana jual...dangan harga yang berpatutan....

ani adalah kelangkapan mengail yang d sediakan untuk pemancing-pemancing yang kan mengail..banyak banar siut dorang ani memanjang besusun....

Perkerja yang d sediakan untuk kami betampur...

Umpan kulit Roti Paun kana jadikan umpan...

Kami bersedia untuk betampur dangan ikan ikan yang memakan umpan kami d waktu malam....


YYYEEESSSSS......FISH ON.......GAME ON......!!!




Liat tu joran ah sujut chee....siuk-siuk....


Patin ku 39kg

hehehehe inda ku teangkat geng barat che....80Kg++....

Sam dan Combat...mengflick menunjukan musel-musel dorang untuk bersiap sedia untuk bertampur dangan ikan-ikan yang basar2...

Kami Berehat dulu sebalum betampur kali kedua 2Nd Half...hehehe santai dulu geng...meliat keindahan d waktu malam...

kami membali lagi umpan kedua untuk betampur lagi hehehe...nda cukup geng merasa tarikan-tarikan kuat-kuat ah....


Patin 30Kg++
Patin 50Kg++
Combet sadang betampur dangan ikan...keluar tarus urat-urat dan Musel-Musel geng...nda payah mengangkat basi lagi ni geng...menarik ikan saja geng hehehe....


Sam..sedang membagi semangat arah Combat...supaya dapat menaikan ikan yang memakan umpanya...hehehe



Perkerja dsana ketawa meliat kerenah Combat...mana inda biasa mengingkul sebalah Kiri..datang2 sebalah kanan mengingkul...Kapisan rasanya geng....hehehe


Combat...kehabisan tenaga selapas betampur dangan Patin yang d naikanya...hehehehe
Patin 70Kg++
Patin 58Kg
Patin 80Kg++


patin 80Kg++ nda teangkan seorg Chee...tepaksa bedangan...heheheCombat sedang memasangkan Fighting Belt untuk Sam...FISH ON...GAME ON....hehehehe

Sam sedang Berantap dangan ikan yang memakan umpanya...pumm..pumm...geng...BIG KANTOI...hehehehe....



Perkerja siap sedia menunggu menyuit ikan-ikan yang kami dapat...
Sam d belakang kami sadang berantap dangan ikan yang memakan umpan..kami apa g kacau daun lah sekajap hehehehe...
sam Vs Patin 46Kg



Bibi/Combet sedang berantap dangan ikan yang memakan umpanya sehingga bepaluh kana lapkan oleh c Sam...hehehehehe

Combat Vs Patin 70kg++

Patin 70Kg++Patin 70Kg++ dan gambar d bawah Patin 80Kg++ nda teangkat seorg geng barat...

Al-Kisah....kami sekali lagi turun mengail d BungSamran Thailand waktu malam pulang sebalum balik ke brunei esoknya...kali ani kami telah betampur dangan Patin-Patin basar-basar dangan tarikan yang kuat-kuat...barat-baratnya dari 30kg ke 70kg keatas yang kami naikan dan beberapa kali putus...sehingga kami tampa berehat melayan santapan-santapan ikan-ikan yang memakan umpan kami...kalau ada kolam macam ani d brunei siuk-siuk...cuba tah ada kana buat..nda jua payah jauh-jauh merasakan tarikan ikan-ikan idaman ketani...